بدلا من صوت السرينة اجعل الانذار يتصل بك تلقائيا

اولا الاداوت المستخدمة



1- موبايل قديم
2- عدد 2 ريلاى(12 فولت 15 أمبير)
3- تسيت بورد (أو اى بوردة قديمة لتثبيت الريلايهات عليها)
4- عدد (4) جاكات زى جاكات الاديو والفديو او جاكات السماعة العادية
5- اسلاك للتوصيل


التنفيذ خطوة بخطوة


اولا قم بنفس الخطوات التى قام بها الاستاذ كريم وهى كالتالى


1- الغاء خاصية غلق المفاتيح اليا واختيار الوضع صامت مع عدم الاهتزاز
2- تفعيل خاصية الرد الالى فى حالة وجود سماعة الرأس
3- تخصيص رقم وليكن رقم(3) للاتصال السريع مع رقم موبايلك (هذة الخاصية تتيح الاتصال برقم معين فى حالة الضغط المستمر على رقم 3 )
4- قم بفتح الموبايل وانزع الجزء البلاستيكى من اعلى زرار الخروج وزرار الرقم 3 فتظهر امامك نقطتى تلامس لكل زرار
5- الحم طرفين سلك فى كل من زرار 3 وزرار الخروج





المهم نيجى بقى للتوصيلات


هنجيب التيست بورد والريلاهات من عند محل قطع غيار الكترونات ونقص التيست بورد (حوالى 3سم فى 5 سم) ونسنفر الجزء النحاسى اسفل البورد بحيث ان البوردة تكون وشها زى ضهرها لتلافى التلامس بين الاطراف


هنخرم خمس اخرام فى البوردة لكل ريلاى بنفس موضع الاطراف الموجودة فى الريلاى واللى ما يعرفش الريلاى هو عبارة عن ملف مغناطيسى بيشتغل زى المفتاح كهربى بمعنى انة لية خمس اطراف طرفين لدخول الكهرباء وطرفين توصيل زى المفتاح والطرف الخامس يستخدم فى حالة لو عاوز الريلاى يفصل (ياعنى تعكس الوضع) فى حالة مرور تيار كهربى



فكرة عمل الانزار


كلنا عارفين ان الانذار بشتغل فى حالة فتح الباب بالمفتاح مع اضاءة نور الصالون وذلك من خلال السرينة
فالفكرة اننا هنوصل وصلة من السللك الواصل للسرينة الى الريلاى الاول واللى بدورة هيعمل على توصيل طرفى الاتصال المتصل برقم 3 فيتم الاتصال السريع بالرقم المتخزن على رقم 3


اما الريلاى التانى فدة هيتوصل على طرفى قربة السنتر ياعنى الكهرباء اللى داخلة للسنتر واما طرفى التلامس للريلاى التانى فيتوصل على طرفى الخروج اللى اخرجناهم من الموبايل


فى حالة الانذار بيمر تيار كهربى فى السرينة واللى فى نفس الوقت واخدين منها طرف للريلاى الاول و بدورة هيشتغل فيلامس طرفى الاتصال الخارجين من الموبايل (الزرار رقم 3) وطبعا السرينة هتشتغل بشكل متصل باعنى كأنى ضاغط على الزرار رقم (3) فى الموبايل بأستمرار فيتم الاتصال بالرقم المحدد مسبقا


فائدة الريلاى الثانى (مهم جدا)


بما ان خاصية الاتصال السريع لازم تكون شاشة الموبايل بدون اى بيانات عليها (زى لديك رسالة او مكالمة لم يرد عليها او اى رقم مكتوب ) وطبعا الامر لا يخلوا من رسالة اعلامية او تذكيرية من الشبكة فلابد من طريقة لعمل مسح للشاشة الاول قبل عملية الاتصال وهذا فائدة الريلاى الثانى


طريقة عمل الريلاى التانى (المتصل بزرار الخروج)


بما اننا بنفتح السنتر بالريموت ودة معناة سماع صوت متقطع فى السرينة (ياعنى الريلاى الاول هيشتغل) بس مش هيتصل هيفضل يكرر كتابة رقم 3 بأستمرار بعد كدة السنتر بيفتح مباشرة ياعنى الريلاى التانى هيشتغل فينضف الشاشة من اى حاجة عليها ويخليها فى وضع الاستعداد للاتصال السريع


اخيرا نوصل هاند فرى عادى بفاتحة الميك اللى فى الموبايل (ملحوظة فى حالة تركيب هاند فرى بيلغى الميك الاصلى) ونركبة فى اى حتة مسخبية علشان نقدر نتصل بالسيارة (فى حالة السرقة لاقدر الله) ونقدر نسمع اللى راكبها من غير ما يحس ولاننسى اننا قد فعلنا خاصية الرد الالى فى حالة وجود سماعة الاذن


طريقة شحن الموبايل


زى مانتوا ملاحظين انى مركب الاطراف على جاكات يانعى ممكن تفك الموبايل بسهولة تشحنة وتركبة تانى أوووووو...
هات دايرة شاحن عربة (بس يكون محترم بلاش ابو خمسة جنية دة ) ووصلها بشكل دائم بالموبايل وبطرفين ولاعة العربية (طبعا ولاعة العربية ما بتشتغلش الا مع الكونتاكت ياعنى مش هتشحن الا وانت ماشى ودة احسن من الشحن الدائم)


ودة رسم تخطيطى لعمل الدائرة



ودى الدايرة متجمعة